Энэ сарын 8-н буюу ирэх хагас сайнд ЗЦГ-аас автомашингүй өдрийг зохион байгуулах гэж байна. Эл өдөр Энхтайвны өргөн чөлөө буюу Зүүн дөрвөн замаас Баруун дөрвөн зам, Сөүлийн гудамж, Гэсэрийн уулзвараас Сансрын тунелийн замыг хаах аж. Жил бүр зохион байгуулдаг болсноос багагүй хугацаа өнгөрч буй уг арга хэмжээний зорилго нь агаарын бохирдлыг арилгах, иргэдийг дэлхийн дулаарлын эсрэг хамтдаа нэг өдөр машинаас татгалзахыг уриалж байгаагаараа онцлогтой. Харин уг хөдөлгөөнийг нь хаасан замаар иргэдэд түргэн шуурхай үйлчлэх үүрэгтэй цагдаа, түргэн, галын машинууд л зорчих гэнэ.