Стандартчилал, хэмжилзүйн газар нь “Стандартчилал тохирлын үнэлгээний тухай” хуулийн 16.1 /нийтийн ашиг сонирхол, хүний эрүүл мэнд, хүрээлэн буй орчин, улс орны аюулгүй байдалд хохирол учруулж болзошгүй бүтээгдэхүүн/, Засгийн газрын 2005 оны 127-р тогтоол “Тохирлын баталгаанд заавал хамрагдах бүтээгдэхүүн, үйлчилгээний жагсаалт”, 2003 оны 222-р тогтоол “Тохирлын баталгаатай бүтээгдэхүүн, үйлчилгээг зах зээлд нийлүүлэх, хилээр нэвтрүүлэх” журамд тус тус заасны дагуу бүтээгдэхүүний чанар аюулгүй байдал нь холбогдох стандартын шаардлагад тохирч байгааг тохирлын баталгаа /баталгаажуулалт/-аар нотлох үйл ажиллагааг явуулж байна.

Манай улс хүн амынхаа өргөн хэрэглээний бараа бүтээгдэхүүний 80, хүнсний бүтээгдэхүүний 60 орчим хувийг дэлхийн 100 гаруй улс орноос импортолж байна.

Импортын бүтээгдэхүүний баталгаажуулалтыг 2 үе шаттайгаар явуулдаг байсан бөгөөд “Бизнесийн шинэтгэлийн жилийн хүрээ”-нд бизнесийн шат дамжлагыг багасгах, худалдааг хөнгөвчлөх, хяналт баталгаажуулалтын ажлыг багасгах зорилгоор Улаанбаатар хотын гааль дээр явуулж байсан баталгаажуулалтын ажлыг 2010.12.01-ний өдрөөс эхлэн зогсоосон. Одоогоор СХЗГ нь зах зээлд худалдан борлуулах үеийн баталгаажуулалтыг хийж, Тохирлын гэрчилгээ олгож байна.