Өнөөдөр УИХ-ын чуулганы нэгдсэн хуралдааныг зарлан хуралдуулахаар болжээ. Хуваарь ёсоор пүрэв, баасан гаригт чуулган хуралддаг ч энэ намрын чуулганаар хэлэлцэх олон чухал асуудал бий учир өнөөдөр 15.00 цагаас чуулганыг хуралдуулахаар болсон байна.

Өнөөдрийн чуулганы хуралдаанд Ерөнхий сайд С.Батболд Монгол улсын 2012 оны төсвийн тухай, Нийгмийн даатгалын сангийн 2012 оны төсвийн тухай, Хүний хөгжил сангийн 2012 төсвийн тухай хуулийн төслүүдийн талаарх танилцуулга хийж, ирэх онд баримтлах ерөнхий чиглэлээр гишүүдийн асуултад хариу өгөх юм байна.