Монголд уул уурхайн чиглэлээр үйл ажиллагаа явуулж буй компаниуд ажилчдынхаа цалинг энэ онд 19 хувиар нэмсэн үзүүлэлт гарчээ. Гэхдээ 14 хувь нь инфляци, таван хувь нь гүйцэтгэлийн төвшнөөс хамаарсан нэмэгдэл аж.
Уг өсөлт Европын орнуудынхтай харьцуулахад өндөр боловч хөгжиж буй орнуудад нийтлэг үзүүлэлт гэнэ. "PwC Salary survey team"-ийн  судалгаагаар ирэх жил тус салбарын цалин 12-13 хувиар өсөж магадгүй хэмээн таамаглажээ. Мөн судалгааны дүнгээр уул уурхайн үйлдвэрлэлийн салбарт механикч, цахилгаанчин, гагнуурчин зэрэг мэргэжлийн ажилтан ховор байгаа гэжээ.