Орон нутагт цагдаагийн байгууллагын хуулиар хүлээсэн гэмт хэрэгтэй тэмцэх, нийгмийн хэв журам хамгаалах чиг үүргээ хэрэгжүүлэхэд дэмжлэг туслалцаа үзүүлж Завхан аймгийн Засаг даргаас 4 автомашиныг аймгийн цагдаагийн газарт хүлээлгэн өгөх ажиллагаа Цагдаагийн ерөнхий газарт болжээ.

Автомашинууд нь Завхан аймгийн төв Улиастай болон Тосонцэнгэл сумдад хөдөлгөөнт эргүүлийн журмаар үүрэг гүйцэтгэж цагдаагийн байгууллагын ажил, үйлчилгээг иргэд, олон нийтэд хүргэж ажиллах юм байна.

Ёслолын ажиллагаанд Цагдаагийн ерөнхий газрын дарга, хошууч генерал Д.Сандаг-Очир болон ЦЕГ-ын удирлага, Завхан аймгийн Засаг дарга Я.Санжмятав, Завхан аймгийн цагдаагийн газрын дарга, цагдаагийн дэд хурандаа А.Батбаяр нар оролцжээ.