Монгол Улс, Бүгд Найрамдах Индонез Улсын дипломат болон албан паспорт эзэмшигч иргэд энэ сарын 15-наас эхлэн харилцан визгүй зорчихоор боллоо. Дипломат болон албан паспорт эзэмшигч иргэд харилцан визгүй зорчих тухай Монгол Улсын Засгийн газар, Бүгд Найрамдах Индонез Улсын Засгийн газар хооронд 2002 оны аравдугаар сарын 7-нд байгуулсан хэлэлцээрийг шинэчилж, нэмэлт   өөрчлөлт  оруулснаар эл шийдвэр хэрэгжих болжээ. Гэхдээ хоёр талын дипломат, албан паспорт эзэмшигч иргэд харилцан 30-аас илүүгүй хоногоор визгүй зорчих юм байна.