Манай улс Андоррагийн Хант улстай дипломат харилцаа тогтоолоо гэж ГХЯ-наас мэдээллээ. Тус улстай дипломат харилцаа тогтоох ажиллагаа өчигдөр АНУ-ын Нью-Йорк хотод болсон байна. Хоёр тал хамтын ажиллагаагаа улс төр, эдийн засаг, хүмүүнлэгийн болон бусад салбарт хөгжүүлэх, хоёр талын эрмэлзлийг удирдлага болгож, Дипломат харилцааны тухай Венийн конвенц, НҮБ-ын дүрэм, олон улсын эрх зүйн зарчим, хэм хэмжээг баримтлахаа тохиролцжээ. Энэ тухай хамтарсан албан мэдээнд манай улсаас НҮБ-д суугаа Байнгын төлөөлөгч О.Энхцэцэг, Андоррагийн Хант Улсаас НҮБ-д суугаа Байнгын төлөөлөгч Нарcис Касал де Фонсдэвьела нар гарын үсэг зурсан байна.  Андоррагийн Хант улстай дипломат харилцаа тогтоосноор манай улс НҮБ-ын гишүүн 155 улстай дипломат харилцаатай болж, тус улстай хоёр талын болон олон улсын байгууллагуудын хүрээнд харилцах, хамтран ажиллах боломж нээгдлээ.