Улс төрийг шуугиулаад байсан Сонгуулийн тухай хуулийн төсөл өнгөрсөн долоо хоногийн турш намжиж, Төсвийн тухай хуулийн төсөл дуулиан дэгдээлээ. Шинэ мэдээлэл гэвэл, одоогийн парламентын дэвшүүлээд буй холимог тогтолцоо нь Үндсэн хуулийн цэц дээр очоод унах магадлал тун өндөр болсон явдал юм. Үндсэн хуулийг анхлан батлалцаж явсан зарим хүн, мөн хуульчид "Шууд сонгоно" гэдэг үг нь сонгуулийн пропорциональ тогтолцоог дархалчихсан хэмээн тайлбар өглөө. УИХ-ын зарим гишүүн ч энэ тайлбарт хариу барьж дийлэхгүйгээ ухаарч "Хуучин тогтолцоогоороо сонгууль явуулахад буруудах зүйлгүй” гэцгээж эхлэв бололтой.