“Wordclimate" цахим  хуудас  дэлхийн хамгийн хүйтэн  нийслэл хотуудыг нэрлэв. Уг жагсаалтад багтсан 100 гаруй хотоос жилийн дундаж температур нь  хасах хувьтай гарсан цорын ганц нийслэл Улаанбаатар болжээ.Манай хотын жилийн дундаж температур -1,3 гэх үзүүлэлтээр уг жагсаалтыг тэргүүлсэн бол удаах байрт Москва /+4.1/, Хельсинг /+4.5/, Оттава /+5.5/, хотууд багтсан байна.”Улаанбаатар хот зун дунджаар 20 градус дулаан байдаг.Харин өвөлдөө -15-30болж хүйтэрдэг, дэлхийн хамгийн эрс тэрс уур амьсгалтай газруудын нэг” хэмээн уг цахим хуудсанд мэдээлжээ.Сонирхуулахад, “ National Geographic” сэтгүүлээс энэ жил зарласан адал явдалд аялагчдын заавал очих 20 газрын тоонд манай нийслэл хот багтсан юм.