Сүүлийн өдрүүдэд хүйтний эрч чангарч, мөн цахилгааны шөнийн тарифийг хөнгөлсөнтэй холбоотойгоор эрчим хүчний ачаалал эрс нэмэгдэж дээд цэгтээ хүрсэн гэж албаныхан мэдээлж байна. Өөрөөр хэлбэл, 453 мвт буюу өнгөрсөн оны энэ үеэс 10 гаруй мтв-аар ачаалал нэмэгдсэн аж. Энэ нь цахилгааны үнийг бууруулсантай шууд холбоотойг салбарынхан хэллээ.  

Учир нь утааг бууруулахын тулд хязгаарлалтын бүс тогтоож, 6000 айлыг цахилгаанаар халаахаар төлөвлөсөн. Зардал мөнгийг нь ч тооцоод нэг айлд хоёр сая төгрөг ногдож байгааг гаргачихсан гэнэ. Хэрэв нүүрс хэрэглэвэл 500 мянган төгрөгийн зардалтай байгаа аж. Тэгэхээр цахилгаанаар халаана гэдэг тийм ч тохиромжтой санаа биш гэдгийг тэд ийнхүү нотолж байна.