УИХ-ын гишүүн Г.Баярсайхан Монгол Улсын Ерөнхий сайдад хандан асуулга тавьжээ.

Тэрбээр Засгийн газрын үйл ажиллагааны мөрийн хөтөлбөрийн биелэлт боловсролын салбарт ямар байгаад хариулт авахыг хүссэн байна. Хамгийн гол нь англи хэлний боловсролын түвшинг ахиулахад Боловсрол, соёл, шинжлэх ухааны яам, Засгийн газраас бүх шатны боловсролын байгууллага, их, дээд сургуулиудад ямар арга хэмжээ авч байгаа, англи хэлийг Монгол Улсын албан ёсны хоёр дахь хэл болгох боломжтой эсэхийг тодруулж, энэ асуудлыг анхааралдаа авахыг Ерөнхий сайд С.Батболдоос хүсэж байгаа юм байна.