НИТХ энэ сард нийслэлийн ирэх жилийн төсвийг хэлэлцэнэ. Хот гэдэг их айл 2012 оноос анх удаа улсад мөнгө өгөхгүй болж, төсвийн давсан орлогоо өөрсдөө зарцуулна. Энэ нь 48 тэрбум төгрөг болж буй аж. Үүнийг юунд зарцуулах вэ гэдэг санал, өөр өөрийн салбарт зайлшгүй хийх шаардлагатай ажлынхаа талаар ойрын үед танилцуулахыг нийслэлийн Засаг дарга Г.Мөнхбаяр өчигдөр нийслэлийн удирдах ажилтнуудад анхаарууллаа. Түүнчлэн зуслангийн замд шалган нэвтрүүлэх товчоо байгуулах, гэр хорооллын хөрсний бохирдлыг багасгах, ногоон байгууламжийг нэмэх, байгаль болон хүүхэд хамгаалах асуудлыг шийдвэрлэх, хэв журмын цагдаа нарын материаллаг баазыг бэхжүүлэх зэрэгт урсгал зардлаа хуваарилах бололтой.