Нийслэл орчмын малчид, малтай айл өрхүүд малын нэмэлт тэжээл, хивэг олдохгүй байгаа талаар ХХААХҮЯ-нд гомдол гаргажээ. Үүний дагуу шалгалт хийхэд "Милл хаус", "Улаанбаатар гурил" компани 1000-1200 тонн хивэг экспортолсон байна. Уг нь тэдэнд 1500-2000 тн хивэг гадаадад гаргах зөвшөөрөл олгосон байж. Улаанбуудайн өнжиж хадгалагдсан хэсгийг үндэсний үйлдвэрлэгчид мал бүхий иргэдэд зарж борлуулж байгаа бөгөөд нэг тонныг 200 мянган төгрөгөөр худалдаалж байгаа юм байна. Харин тухайн компаниуд өөрийн үйлдвэрийн байранд худалдаалахаар урт дараалал үүсэж, үйлдвэрлэлийн хэвийн ажиллагаанд хүндрэл үүсгэдэг болохоор гэрээт борлуулагчдаараа дамжуулан иргэд, малчдад борлуулж байгаа гэж мэдэгдлээ.