Монгол Улсын Засгийн газраас 2010 онд баталсан тогтоолын дагуу  төрийн өмчит сургуулиудыг хотын төвөөс нүүлгэн шилжүүлэхээр болсон. Эхний ээлжинд таван их, дээд сургуулийг шилжүүлэх барилгын ажлыг төлөвлөсөн ч уг газарт судалгааг дутуу хийснээс болж хойшлогдсон байна. Их дээд сургуулиудыг  нийслэлээс 45 километр зайд орших Шивээтийн хөндийд барих ёстой юм. Төлөвлөгөө ёсоор уг газарт 150 мянган хүн амьдрахуйц хотхон барих юм. Хотхон барих ажил  ирэх оны зургадугаар сард эхлэх ёстой байсан аж.