Ус, цаг уурын хүрээлэнгийнхэн гол, мөрний мөсөн дээгүүр зам товчлох гэж гарахгүй байхыг малчид, тээвэрчдэд анхааруулж байна.

Манай орны ихэнх гол, мөрөнд битүү мөсөн бүрхүүл тогтсон ч бүрэн хөлдөөгүй, цөмрөх аюултай байгаа ажээ. Мөсний зузаан олон жилийн дунджаас 10-20 см нимгэн байгааг анхааруулав.

Маргааш төвийн нутгийн хойд хэсгээр, нөгөөдөр зүүн зүгийн нутгаар бага зэргийн цас орно. Дархадын хотгор, Тэс голын хөндийгөөр шөнөдөө 35-40, өдөртөө 22-27, Хараа, Онон, Халх голын сав газраар шөнөдөө 28-33, өдөртөө 16-21 хэм хүйтэн. Говийн нутгийн баруун хэсгээр шөнөдөө 14-19, өдөртөө 4-9, бусад нутгаар шөнөдөө 20-25, өдөртөө 11-16 хэм хүйтэн байна.