Ардчилсан Конгод сонгууль өндөрлөжээ. Хэдийгээр салан тусгаарлагч бүлгэмүүдийн байнгын мөргөлдөөн дунд оршдог хэдий ч тус улсын Ерөнхийлөгчөөр сонгогдоод буй Жосеф Кабила тангарагаа өргөжээ.

Тэрбээр Киншасагийн төлөө сэтгэл зүрх, амь насаа өргөн ажиллах болсноо энэ үеэр мэдэгдсэн байна. Ж.Кабилагийн ялалтыг тус улсын нэгдсэн шүүх өнгөрсөн сард өрнөсөн сонгуулийн дүнтэй нэгтгэн баталгаажуулснаар тэрбээр албан ёсоор Ерөнхийлөгчийн суудалд залрав.

Гэвч сөрөг хүчний удирдагч Этине Тшисекеди энэ сонгуулийг шударга бус өрнөсөн хэмээн үзэж буй юм. Тиймээс сонгуулийг дахин зарлаж, Ж.Кабилаг мөргөлдөөний улмаас амиа алдсан олон мянган иргэний үхэлд буруутган цаазлах ёстой гэжээ.