ОХУ-ын Ерөнхий сайд В.Путин орлогынхоо мэдүүл­гийг нийтэллээ. Сонгуулийн ерөнхий хорооны мэдээл­сэнээр тэрээр сүүлийн дөрвөн жи­лийн дотор 17.7 сая руб­лийн ашигтай ажилласан бай­на. Энэ орлогод түүний ца­лин, үнэт цаас, банкны хад­галамж зэргээс олсон ашиг багтжээ. В.Путин банкинд таван ч данс­тай бөгөөд түүнд нь 5.7 сая рублийн хадгаламжтай юм байна.

Санкт-Петер­бург хот дахь 77  м кв. бүхий орон сууц, Москва муж дахь 1500 м кв. га­зар, ма­шины гарааш зэрэг орлогийн мэдүүлэгт багтжээ. Түүнээс гадна хуга­цаагүй байд­лаар хэрэглэх боломжтой нэг байр болон гарааш мэдэлд нь бай­даг аж.

В.Путин Орост үйлд­вэр­лэсэн гурван ч машин­тай бө­гөөд түүнд нь хоёр шир­хэг ГАЗ бо­лон "Нива" ордог.  Үүний зэрэгцээ бас тусдаа чиргүүлтэй гэнэ. Мөн "Санкт-Петербург" банкны 230 үнэт цаас нэмэг­дэнэ. Түүний гэргий Людмила Путинагийн дан­санд 8,3 сая рубль байдаг бөгөөд түүний орлого нь 146,8 мянган рубльтэй тэнцдэг юм байна.