Нийтийн тээврийн газраас энэ сарын 31-ний өдөр том оврын автобусыг шөнийн 01.00 цаг хүртэл иргэдэд үйлчлүүлэх шийдвэр гаргажээ. Тодруулбал, 4-р хороолол-Улаанхуаран, Толгойт-ХӨСҮГ, Яармаг-МУБИС-Ард, Нисэх-МУБИС-Ард, 3,4-р хороолол-4 зам-Шархад, Улиастай-Сүхбаатарын талбай, Зүрх уул-Чингэлтэй-МУБИС, Бэлх-ДарьЭх-Возкал, 3,4-р хороолол-ХӨСҮТ /зүүнээс/, Зүүн салаа-ХӨСҮГ, Их наран-МУБИС, 5шар-БЗШБТовчоо, ОУЭЗБДС-Жанжин клуб, Улиастай-Сансар-Согоотын гудамж чиглэлийн автобуснууд 31-ний шөнө 23.00-01.00 цагийн хооронд Сүхбаатарын талбай, МУБИС-ийн автобусны зогсоол дээр зогсож, зорчигчдыг тээвэрлэх юм байна. Өөрөөр хэлбэл, нийт 80 том оврын автобус иргэдэд үйлчлэх аж. Харин энэ өдөр үйлчилгээний үнэд өөрчлөлт орохгүй юм байна.