Монгол Улсын Ерөнхийлөгчөөс санал болгосны дагуу УИХ өнгөрсөн оны хавар их, дээд сургуульд суралцаж буй оюутнуудад сар тутамд тэтгэлэг олгох тухай хуулийн төслийг баталсан юм. Уг хуулийн хэрэгжих хугацааг 2012 оны нэгдүгээр сарын 1-нээс эхлүүлэхээр зааж өгснөөр оюутнууд одооноос эхлэн “цалин” авах боломжтой болж байна. Сард олгох тэтгэлгийн хэмжээг УИХ-аас 70 мянган төгрөг байхаар зааж өгсөн. Ингэхдээ магадлан итгэмжлэгдсэн их, дээд сургуулийн оюутнууд тэтгэлэгт хамрагдахаар хуульчилсан юм.