АНУ-ын ерөнхийлөгчийн сонгууль энэ оны арваннэгдүгээр сарын 6-ны өдөр товлогдоод байгаа билээ. Тэгвэл Айова мужид өнөөдөр Бүгд Найрамдах намын хурал болж байна. Уг хурлын үеэр тус намын дэмжигчид  ерөнхийлөгчийн сонгуульд нэр дэвшигчийг тодруулах юм.

Одоогоор Бүгд Найрамдах намаас Массачусетс мужийн амбан захирагч Митт Ромни, Техасын конгрессийн гишүүн Рон Пол, Пенсильвани мужаас гарсан сенатч Рик Санторум, Ньют Гингрич, Мишель Бакман, Рик Перри зэрэг зургаан улстөрч өрсөлдөж байгаа юм.

Хамгийн сүүлийн үеийн мэдээгээр Ромни, Санторум нарын хооронд ширүүхэн өрсөлдөөн өрнөж байгаа аж. Харин тэдний гол өрсөлдөгч Барак Обама иргэдтэйгээ эдийн засгийн нөхцөл байдлын талаар интернэтээр ярилцах гэнэ.