Дундад Азийн зах зээлийн судалгааны хүрээнд түүхий нефтийн ханш өссөөр байна. Ойрхи Дорнодод нөхцөл байдал тогтворгүй байгаагаас түүхий нефть баррель тутамдаа 112.27 ам.доллар байсан бол 4.89 ам.доллараар нэмэгдэв. Мөн АНУ-ын зах зээл дээр баррель тутамдаа 4.13 ам.долларт хүрсэн байна. Газрын тосны зах зээлд толгой цохьдог АНУ, БНХАУ, Энэтхэгт нефтийн ханш нэмэгдэж байгаагаас хэрэглээний индекс дагаад өсөх хандлагатай байна. Иймээс Европын эдийн засгийн хямралын хажуугаар түүхий нефтийн ханш савлах болжээ. Мөн Иранд тавьсан хориг арга хэмжээнээс үүдэж газрын тосны томоохон концернууд алдагдалд орох болсноос нефтийн ханшид нөлөөлөх бас нэгэн шалтгаан болсон аж. Иран дэлхийн газрын тосны 15 хувийг хангадаг байжээ.