Нефть импортлогчид бензиныхээ үнийг өнөөдрөөс эхлэн 50 төгрөгөөр буурууллаа. Засгийн газраас үндэслэлгүйгээр үнэ хэт хөөрөгдсөн нефть импортлогч компаниудад хариуцлага тооцно гэж мэдэгдсэний улмаас ийнхүү бензиний литр тутмын үнийг 50 төгрөгөөр буулгажээ. Тухайлбал, АИ 92 бензинийг 1800 төгрөгөөр, дизель түлшийг 1850 төгрөгөөр худалдаалж эхлээд байна. Харин "Петровис" компани дизель түлшийг бусад компаниас 100 төгрөгөөр илүү үнээр худалдаалж байна.