Ардчилсан шинэ Үндсэн хууль батлагдсаны 20 жилийн ойд зориулсан хүндэтгэлийн хурлын индэр дээрээс Монгол Улсын анхны Ерөнхийлөгч П.Очирбат “Уучлаарай, би Ц.Элбэгдорж Ерөнхийлөгчийг дуурайгаад ойн баяраар, баяртай хамаагүй үг хэлчихлээ. Ц.Элбэгдорж Ерөнхийлөгч ойн баяруудыг ажил хэрэгч болго гээд байгаа. Тэгээд би ийм үг хэлчихлээ” гэв.

Уг нь П.Очирбат гуай Үндсэн хуулийн Цэцийн гишүүний хувьд Цэцийн үйл ажиллагааны талаар ярьж байсан юм. Тэрбээр хэтэрхий удаан үг хэлсэндээ бантав уу, эсвэл ямар нэгэн шалтгаантай байв уу. Өнөөгийн Ерөнхийлөгчийг түшээд авав.