АНУ-ын Ерөнхийлөгч Барак Обамагийн урилгаар Холливудын хамгийн алдартай хосуудын нэг болох Брэд Питт, Анжелина Жоли нар өнгөрөгч лхагва гаригт Цагаан ордонд зочилжээ. Обама сонгуулийн кампанит ажлаар Чикаго явахын өмнө супер одуудыг хүлээн авч уулзан хэд хэдэн сэдвээр сонирхолтой яриа өрнүүлсэн байна. Жолигийн найруулсан анхны кино, түүний эмэгтэйчүүдийн бэлгийн хүчирхийлэлтэй тэмцэж буй ажлынх нь талаар ярилцжээ. Жоли, Питт нар саяхан Жолигийн Боснийн дайны тухай өгүүлэх "In the Land of  Blood and Honey" киног кинотеатруудад гаргахаар Сараевогоос Вашингтон хотод ирсэн байна.