УИХ-ын гишүүн С.Бямбацогт АН-ын ҮЗХ-ны хуралд "туулайчилж" байгаад баригдсан. Тэрээр сонирхож биш зориуд ҮЗХ-ны хурал руу зорьж орсон гэнэ. Учир нь, хамтарсан Засгийн газар анх байгуулагдахад С.Бямбацогт гишүүнд Тэргүүн шадар сайд "Хөөгдөж тууж байсан ч Засгийн газраас огт гарахгүй" гэж ам гарсан аж. Иймд тэрээр Н.Алтанхуяг даргаас амыг нь асуух гэж очсон гэнэ. Баасан гаригийн чуулганы нэгдсэн хуралдаан дээр Тэргүүн шадар сайдыг орж ирэхэд С.Бямбацогт гишүүн өнөөхөө асуух гэсэн үү Ч.Сайханбилэг даргын суудалд очиж суугаад хэсэг хугацаанд түүнтэй ярилцав. Төд удалгүй АН-ын гишүүд "С.Бямбацогт оо, манай бүлгийн даргын суудлаас босоорой" гээд бас л амар заяаг нь үзүүлсэнгүй.