Хувь хүний орлогын албан татварын хөнгөлөлтийн материалыг дүүргүүдийн татварын хэлтэс 2 дугаар сарын 15 хүртэл хүлээж авна.

Хувь хүн өөрийн болон банк, санхүүгийн байгууллагын зээлийн хөрөнгөөр нэг удаа амьдран суух зориулалтаар хувьдаа орон сууц худалдан авсан болон барьсан иргэд мөн гадаад, дотоодын их, дээд болон мэргэжлийн боловсролын сургууль, коллежид элсэн суралцагчид энэ хөнгөлөлтөд хамаарах аж. Хөнгөлөлт хамрагдах иргэд хүсэлт чөлөөлөлт эдлэх иргэний бичсэн хүсэлт, иргэний үнэмлэхийн хуулбар, ТТО ТБ дэвтэр, нийгмийн даатгалын дэвтэрийн хуулбар, эх хувьтайгаа, ажлын газрын ба цалингийн тодорхойлолт, ҮХХ-ийн гэрчилгээ болон хуулбар, захиалгын болон Худалдах, худалдан авах гэрээ, орон сууц худалдан авах, барихтай холбогдон гарсан орлогын эх үүсвэрийг нотлох баримтууд /өөрийн орлого/, ҮХХ борлуулсны 2 хувь татвар төлсөн баримт, зээлийн гэрээ, зээл авсан байгууллагаас мөнгө шилжүүлсэн баримт /зээлийн эх үүсвэрийн тухайд/, хөрөнгийн үнэлгээний зөвшөөрөлтэй байгуул­лагын үнэлсэн тайлан / барьсан барилгын тухайд/, иргэний өөрийн нэр дээрхи данс, банкны нэр зэргийг бүрдүүлэх юм.

Харин сургалтын төлбөрийн татварын хөнгөлөлт эдлэх иргэдийн хувьд чөлөөлөлт эдлэх иргэний бичсэн хүсэлт, иргэний үнэмлэхийн хуулбар, ТТО,ТБ дэвтэр, нийгмийн даатгалын дэвтэрийн хуулбар, эх хувьтайгаа, ажлын газрын ба цалингийн тодорхойлолт, сургалтын төлбөр төлсөн төлбөрийн баримт, суралцаж буй оюутны сургуулийн тодорхойлолт, суралцагч оюутны эх хөнгөлөлт эдлэх бол хүүхдийн төрсний гэрчилгээ, үрчилж авсан бол нотлох баримт, иргэний өөрийн нэр дээрхи данс, Банкны нэр, гэсэн баримтуудыг оршин суугаа дүүргийн татварын хэлтэс хүлээж авна.
ХАОАТ-ын хөнгөлөлт чөлөөлөлтийн талаарх дэлгэрэнгүй мэдээллийг www.nta.mn, www.mta.mn сайтаас үзнэ үү.