Манай улс, Бүгд Найрам­дах Энэтхэг Улсын Засгийн газартай байгуулсан бо­ловс­ролын салбарт хамтран ажиллах хөтөлбөрийн хүрээнд 2012-2013 оны хичээлийн жилд тус улсад 50 оюутныг тус улсад суралцуулахаар болжээ. Энэтхэгийн Засгийн газрын тэтгэлгээр тус улсын их, дээд сургуульд суралцах оюутнуудыг БСШУЯ-аар магадлан ит­гэмж­лэгдсэн их, дээд сургууль, коллежийн 1, 2 дугаар курст 3.0-аас дээш голч дүнтэй суралцаж байгаа 21 хүртэлх насныхнаас сонгон шалгаруулж авах юм байна.

Шалгаруулалтад оролцох хүсэлтэй оюутнуудыг энэ сарын 26-ны дотор өөрийн сурал­цаж буй сургуулийн Сургалтын албаар дамжуулан Оюутанд үйлч­лэх төвд шалгалтын хураамж 5000 төгрөг төлөн бүртгүүлэхийг зөвлөж байна. Тэтгэлэгт хамрагдахыг хүсэгч­дээс англи хэл, мэргэжлийн шал­галт авах бөгөөд шалгалтыг МУИС-ийн хичээлийн 2 дугаар байр­анд зохион байгуулах аж. Харин англи хэлний шалгалтыг энэ сарын 30-ны өдрийг хүртэл авах юм байна.