Монгол Улсад Гадаад харилцааны яам үүсэж хөгжсөний 100 жилийн ойг тохиолдуулан дипломат болон албан паспортыг цахим ялтастай болгох ажлыг санаачлан эхлүүлээд байна. Энэ нь Монгол Улсын гадаад бодлогын үзэл баримтлал, олон улсын иргэний агаарын тээврийн байгууллагын зөвлөмжид нийцүүлэн иргэдийн харилцан зорчих нөхцөлийг хөнгөвчлөх зорилготой аж. Уг паспортыг 27 янзын нууцлалтай хийхээр тогтжээ. Тодруулбал, эзэмшигчийн төрх, гар хуруу, нүдний хээ зэрэг дахин давтагдашгүй мэдээллийг агуулах аж. Дипломат цахим паспортыг ирэх оноос хэрэглэж эхлэх юм байна.