Үндэсний статистикийн хорооноос гаргасан судалгаагаар Монгол Улс махны хэрэглээгээрээ дэлхийн дундаж хэрэглээнээс гурав дахин их аж. Он гарснаас хойш махны үнэ өссөнийг шатахууны үнийн өсөлттэй холбон тайлбарлаж байгаа. Мөн ам. долларын ханш 15-16 хувиар өссөн нь махны үнэд нөлөөлсөн хэмээн үзэж буй юм. Бусад оронд махны үнэ ямар байгааг төгрөгтэй харьцуулж үзвэл ОХУ-д нэг килограм махыг 12000-25000 төгрөг, Хятадад 9000-20000 төгрөг, Австралид 12000-25000 төгрөгийн үнээр борлуулж байгаа аж. Махны үнэ ингэж өсөхөд дэлхийн санхүүгийн хямрал хүнсний хомсдол нөлөөлж буй юм байна.