Монголын эмэгтэйчүүд анх удаа НҮБ-д "Монголын хөдөөгийн эмэгтэйчүүд" сэдвээр тусгай хуралдаан зохион байгуулах гэж буй гэнэ. Орон нутгийн бизнес эрхлэгч, малчин эмэгтэйчүүдээс бүрдсэн 33 хүний бүрэлдэхүүнтэй баг НҮБ-ын тусгай хуралдаанд оролцохоор АНУ-ыг зорих гэж буй юм байна. Энэ ажлыг "Мянганы дэвшил" бизнес эрхлэгч, ажил хэрэгч эмэгтэйчүүдийн холбооны тэргүүн Ц.Эрдэнэчулуун зохион байгуулж буй аж. Тус холбоо нь "Бизнес эрхлэгч, ажил хэрэгч эмэгтэйчүүдийн олон улсын холбоо"-ны  Монгол дахь салбар юм байна.