Сонгуулийн Ерөнхий Хороо сонгуулийн үеэр дэргэдээ хараат бус хэвлэл, мэдээллийн орон тооны бус зөвлөл байгуулж ажиллуулна.

Зөвлөл нь хэвлэл, мэдээллийн мэргэжлийн байгууллага, төрийн бус байгууллагын төлөөлөл болон сонгуульд оролцож буй нам, эвслийн тэгш төлөөллөөс бүрдсэн байна гэж холбогдох хуульд заасны дагуу Зөвлөлийн үйл ажиллагааг зохицуулсан журмыг баталлаа.

Энэхүү зөвлөл нь нам, эвсэл, нэр дэвшигчийн хэвлэл, мэдээллийн сурталчилгааны тэнцвэрт байдалд хяналт тавих бөгөөд энэ асуудлаар нам, эвсэл, нэр дэвшигч, хуулийн этгээд, иргэнээс ирүүлсэн өргөдөл, гомдлыг хянан үзэж, санал дүгнэлтээ СЕХ-нд танилцуулах үүрэгтэй байх аж.