ИХ-ын дарга Д.Дэмбэрэл нийслэлийн Сонгинохайрхан дүүргийн 106 дугаар сургуулийн хичээлийн шинэ жилийн нээлтэд оролцсоныхаа дараа орон нутагт ажиллахаар Дорнод аймгийг зорьсон байна. Тэрбээр энэ сарын 1-7-нд Дорнод, Сүхбаатар аймагт ажиллах аж. Энэ хугацаанд УИХ-ын дарга иргэд сонгогчидтой уулзаж, УИХ-аас батлан гаргасан шийдвэрүүдийн талаар санал солилцохын зэрэгцээ зарим байгууллага, аж ахуйн нэгжийн үйл ажиллагаатай танилцах гэнэ. Орон нутагт ажиллах томилолтын бүрэлдэхүүнд Дорнод, Сүхбаатар аймгаас сонгогдсон УИХ-ын гишүүн Ц.Шинэбаяр, Д.Одбаяр,П.Алтангэрэл, Ч.Улаан, Р.Буд, сэтгүүлч, сурвалжлагчид багтжээ.