УИХ-ын гишүүн П.Алтангэрэл тавдугаар сарын 28-31-ны өдрүүдэд тойрогтоо ажиллаад ирсэн билээ.



Эрхэм гишүүн өөрийн санаачлагаар хэрэгжүүлж буй “Дорнод багш” хөтөлбөрийн хүрээнд Дорнод аймгийн ЕБС, цэцэрлэгийн багш нарт зөөврийн компьютер болон ширээний компьютерийг гардуулж нээлтийн үйл ажиллагаанд оролцлоо.

энэхүү хөтөлбөрийг үр дүнтэй хэрэгжүүлэх зорилгоор “Мэдээлэл технологийн хөгжил боловсролд” сэдэвт сургалтыг сургууль, цэцэрлэгийн багш нарт зохион байгуулсан билээ.

УИХ-ын гишүүн П.Алтангэрэл тойрогтоо ажиллах хугацаандаа Их хурлаас баталсан хууль, тогтоомж болон өөрийн санаачлан боловсруулсан “Монгол Мал”, “Ус” зэрэг үндэсний болон бусад хууль тогтоомж, ажлыг хэсэгт орж ажиллсан тухайгаа иргэд сонгогчиддоо тайлагнан, тэдний санал бодлыг сонсох, тулгамдаж байгаа асуудлуудад хариулт өгч байлаа. Түүнчлэн гишүүн тойрогтоо ажиллах үеэрээ Ардчиллын үйл хэрэгт үнэтэй хувь нэмэр оруулсан нэр бүхий иргэдийг “Ахмад зүтгэлтэн”, “Эрх чөлөөний одон”, “Лиш одон” болон Ардчиллын 20 жилийн ойн медалиар шагнаж урамшууллаа.

Иргэдийн саналыг түүвэрлэж үзвэл:

Иргэд сонгогчид УИХ-ын гишүүн П.Алтангэрэлийн хийж байгаа ажилд ихэд сэтгэл хангалуун, үр бүтээлтэй ирээдүйг харсан маш зөв ажил хийж байна гэж талархан хүлээж авч байсан бөгөөд цаашдын ажилд амжилт хүсч Дорнодын төлөө гэж УИХ болон бусад шатанд анхаарал хандуулан ажиллаж байгаа газрын тос, ураны асуудлаар анхаарал хандуулж ажиллаж байгаад талархал илэрхийлж байлаа. Монгол мал, Ус хөтөлбөрийг иргэд дэмжиж төрөөс энэ чиглэл рүү анхаарал хандуулж байгаад хөдөөгийн малчин ард түмэн ихээхэн талархан хүлээж авч байлаа.Багш нар Компьютержүүлэх хөтөлбөр” хэрэгжүүлж байгааг боловсролын салбарт, тэр дундаа багшийн хөгжилд чиглэсэн маш том хөрөнгө оруулалт бөгөөд багш нь чадварлаг байж шавь нар нь мэдлэг чадвартай боловсон хүчин болж дэлхийд өрсөлдөхүйц монгол хүн бэлтгэгдэх болно гэж дүгнэж байлаа

Фото мэдээ

.