Аймаг байгуулагдсаны 70 жилийн ойг угтаж аймгийн төвийн өнгө үзэмжийг сайжруулах, хүмүүсийн ая тухтай амьдрах орчныг бүрдүүлэхээр шат дараалан олон арга хэмжээг авч хэрэгжүүлж байгаа. Өнгөрсөн жил гэхэд л аймгийн төвийн замын гэрэлтүүлэг, явган хүний замыг барьсан бөгөөд энэ жил Алтай хотын зам засварын ажилд улсын төсвөөс 2 тэрбумын хөрөнгө оруулалтыг шийдүүлэн, аймгийн төсөвт суулгаж өгсөнөөр замын ажлыг эхлүүлээд байна. Энэ нь энэ жил ямарч аймгийн төвийн зам засварт иж бүрнээр засах ийм хэмжээний хөрөнгө оруулалт улсын төсөвт тусгагдаагүй билээ.