Ж.Энхбаяр гишүүний бас нэг давуу тал бол сонгогчдынхоо өмнөөс хийхээр төлөвлөсөн болон хэрэгжүүлж буй ажлын явцыг байнга судалж, танилцан, цаг тухайд нь хийж гүйцэтгэх тал дээр хяналт тавьж, холбогдох хүмүүс, байгууллагуудад хүсэлт, шаардлагаа тавьж байдаг. Тухайлбал, 2009 оны төсвийн 500 сая төгрөгийн хөрөнгө оруулалтаар хийгдсэн Алтай хотын төв гудамжны гэрэлтүүлэг, явган хүний зам, хүнсний битүү захын ажлын гүйцэтгэлийг байнга хянаж, явцтай нь танилцан, хийж дуусаагүй явган хүний зам, хүнсний битүү захын ажлыг яаралтай дуусгахыг гүйцэтгэгч байгууллага болох “Айргийн хад” ХХК-д, “Шинэ-Алтай зах” ХХК-д үүрэг болгон аймгийн 70 жилийн ойн өмнө ашиглалтад оруулахыг шаардсан.