Хүний амь нас хохирсон хэргийн нөхцөл байдал, урьдчилан сэргийлэх арга зам, холбогдох байгууллагуудын хамтын ажиллагаа хэрхэн сайжруулах асуудлаар хэлэлцүүлэг болсон. Хэлэлцүүлгийг Үндэсний аюулгүй байдлын зөвлөлийн ажлын алба, ЦЕГ хамтран зохион байгуулсан. Уг хэлэлцүүлэгт шүүх, цагдаа, прокурор, ОБЕГ болон бусад холблогдох байгууллагуудын төлөөлөл оролцсон юм.

ОБЕГ-ын дарга Т.Бадрал: Бүх нийтээрээ гамшиг ослоос урьдчилан сэргийлдэг, авардаг байж чадвал ослоос шалтгаалж амь насаа алдах, гэмтэх тохиодлыг бууруулж чадна. Иймээс төр, Засгийн газраас хэд хэдэн бодлого баримталж байна. Өмнө нь гамшиг ослын үед гамшиг ослын үед дайчилгааны журмаар оролцдог байсан. Одоо сайн дурын үндсэн дээр оролцдог болж байна.