Байгаль орчин, хүнс, хөдөө аж ахуйн байнгын хорооны өнөөдрийн /2019.05.28/ хуралдаанаар байнгын хорооны гишүүд Хүнс, хөдөө аж ахуй, хөнгөн үйлдвэрийн сайдын мэдээлэл сонслоо.

Энэ үеэр УИХ-ын гишүүн Ж.Энхбаяр:

У.Хүрэлсүхийн Засгийн газар хүнс экспортлогч улс орон болно гэсэн томоохон зорилт тавьсан. Үүнийг танай яам хэрэгжүүлэх учиртай. Өнгөрсөн хугацаанд Монголчуудын бараг 30-аад жилийн мөрөөдөл байсан.  Үе үеийн төрийн тэргүүн Засгийн газрын сайд нар гадаадад айлчлахдаа Монгол улсаас мах, махан бүтээгдэхүүн аваач л гэж гуйдаг байсан. Өнгөрсөн онд халуун аргаар боловсруулсан мах нэлээд экспортод гарлаа.

Үүнтэй холбоотой энэ жил төв суурин газар махны асуудал нэлээд хүндэрч нийгмийг бухимдуулсан . Цаашид энэ дээр ямар бодлого барих вэ? Жилдээ 10 сая хүртэлх малын мах экспортлох бодлогоо цаашид тогтвортой авч явах уу?

БНХАУ-аас хяналтын баг удахгүй Монголд ирж гурилын үйлдвэрүүд дээр хянан баталгаажуулалт хийж гурил гаргах боломжийг судлахаар ирж байгаа юм байна. Монгол улс гурилан бүтээгдэхүүн гаргах боломж бий юу?