Монгол-Оросын хамтарсан сургууль байгуулах асуудлаар ажлын хэсэг Сонгинохайрхан дүүрэгт ажиллалаа
Монгол-Оросын хамтарсан сургууль байгуулах асуудлаар ОХУ-ын Гэгээрлийн яамнаас томилогдсон В.Г.Короленкогийн нэрэмжит Глазовскийн улсын боловсролын дээд сургуулийн төлөөллөөс бүрдсэн ажлын хэсгийнхэн манай улсад ажиллаж байгаа билээ.
Тус ажлын хэсгийн бүрэлдэхүүн болон БШУЯ, дүүргийн ЗДТГ-ын төлөөллүүд Сонгинохайрхан дүүргийн 9 дүгээр сургууль болон 4 дүгээр хорооны нутаг дэвсгэрт баригдаж байгаа 640 хүүхдийн суудалтай сургууль дээр ажиллав.
![](https://vip76.mn/media/news/original/2022/08/19/4804ad68a7675e1e20a2dfd1319c57b9.jpg)
Монгол Улсад Монгол-Оросын хамтарсан ерөнхий боловсролын сургуулийг байгуулах ажлыг эрчимжүүлэхээр шийдвэрлэсэн.
Энэ дагуу ОХУ-ын Гэгээрлийн яамнаас томилогдсон ажлын хэсэг манай улсад ажиллаж байгаа бөгөөд Монгол-Оросын хамтарсан ЕБС-ийг байгуулах ажлыг Сонгинохайрхан дүүргээс эхлүүлэхээр болсон. БШУЯ-ны зүгээс хамтарсан сургууль байгуулах боломжтой хоёр сургуулийг санал болгохоос гадна орос багш нарын байрлах орон сууцын асуудлыг тодорхой болгоод байгаа юм.
![](https://vip76.mn/media/news/original/2022/08/19/26d102a42edd32b03ca62f80312032d8.jpg)
Тиймээс тус ажлын хэсгийн бүрэлдэхүүн хоёр сургуулийн гадаад болон дотоод орчин нөхцөлтэй танилцаж, анги танхимын багтаамж, тохижилт, хичээлийн хэрэглэгдэхүүн болон Сонгинохайрхан дүүрэгт Монгол-Оросын хамтарсан "Орос-IV" сургуулийг байгуулах хэрэгцээ шаардлагыг үнэлэв.
Сонгинохайрхан дүүрэгт сүүлийн жилүүдэд Боловсролын салбарын хөрөнгө оруулалт нэмэгдэж байгаагийн нэг жишээ бол энэхүү сургууль юм.
![](https://vip76.mn/media/news/original/2022/08/19/48561a8880539f25407c355068089138.jpg)
![](https://vip76.mn/media/news/original/2022/08/19/9457092978f513655d0d90b4e3d3c845.jpg)
Холбоотой мэдээ
2024.06.13
2024.06.11
2024.06.11