УИХ-ын Байгаль орчин, хүнс,  хөдөө аж ахуйн байнгын хорооноос өнөөдөр УИХ-ын намрын чуулганы хугацаанд хэлэлцэн шийдвэрлүүлсэн асуудлаар тайлангаа тавилаа. “Монгол мал” хөтөлбөрийг боловсруулсан УИХ-ын гишүүн Д.Балдан-Очир “УИХ-ын хаврын чуулганаар “Монгол мал” хөтөлбөрийг батлуулна” гэлээ.

Монгол Улсын мал сүргийн тоо 43 саяд хүрч байна. Хэдий тйим боловч малчдын амьжиргаа дээшлэхгүй байна. Малын гаралтай түүхий эдийн үнэ жил ирэх тутам унаж байгаа нь малчны амьдрал доройтоход хүргэж байгаа аж. Монгол Улс жилдээ наймаас арван сая толгой малын махыг экспортлох боломжтой. Гэхдээ Олон улсын мал, амьтны хорио цээрийн дэглэмийг хангаж чаддаггүй гээд бэрхшээл олон. Тиймээс “Монгол мал” хөтөлбөрийн хүрээнд малыг эрүүлжүүлэх гээд бусад тулгамдсан олон асуудлыг шийдвэрлэхэд үр дүнгээ өгөх юм байна.