Шинийн гурван буюу өнөөдөр өглөө, ажлын эхний өдөр төрийн түшээдийн ажил шинийн золголтоор эхэллээ.

Урьд жилүүдэд шинийн нэгний өглөө Төрийн ордонд Ерөнхийлөгч, УИХ-ын дарга болон Ерөнхий сайд, УИХ, Засгийн газрын гишүүд цуглан төрийн хүндэтгэлийн өргөөнд золголт хийдэг байсан билээ. Харин энэ жилээс төрийн золголтыг шинийн нэгний өглөө зөвхөн төрийн гурван өндөрлөгийн хүрээнд хийдэг болсон.

Тиймээс УИХ, Засгийн газрын гишүүд шинийн гуравны өглөө төрийн гурван өндөрлөгт хүндэтгэл үзүүлж, золголтоо эхэллээ.