Нийслэлийн засаг даргын тамгын газрын статистикийн газраас хийсэн судалгаагаар монгол улсын хоёр хүн тутмын нэг нь нийслэл хотод байнга оршин суудаг гэсэн тоо гарчээ.

Нийслэлийн нэг өрх дунджаар дөрвөн ам бүлтэй. Нэг өдөрт шинээр 45 хос гэр бүл болж, гурван хос гэр бүлээ албан ёсоор цуцлуулдаг. Өдөрт дунджаар 75 нялхас мэндэлж, 17 хүн хорвоогийн мөнх бусыг үзүүлдэг байна. 

Улаанбаатар хотод бусад аймаг, хотоос 78 хүн өдөрт шилжин ирж, 29 хүн бусад аймаг, хотруу шилжин явдаг. Мөн гадаадын 1284 хүн албан ажил, аялал жуулчлал, бүр мөсөн суурьших зэрэг зорилгоор нийслэл хотод ирж байна.