Хордил сарьдаг уул, далай ээжийг ёслол төгөлдөр тахих юм байна. Мөсний баяраар чаргатай морины уралдаан, цасны сумо, мөсний шагай, бөөгийн буулт зэрэг сонирхолтой үзүүлбэрийг үзэх юм. Цаатан айлд зочилж, сүүтэй цай, ааруул хуруудаар дайлуулж, цаа буга унах боломжтой.

Одоогоос 10 жилийн өмнө буюу 2000 онд мөсний баярыг анх зохион байгуулж байхад Хөвсгөл аймгийн засаг даргын тамгийн газрын хэдэн ажилтан гадаадын цөөн зочид хүрэлцэн ирснээр зочдын тоо хязгаарлагддаг байсан ажээ.

Харин одоо Мөсний баярыг зохион байгуулах газраа зөв олж өвлийн спортын төрөл бүрийн тэмцээн уралдааныг зохион байгуулах болсноор Дэлхийн өнцөг булан бүрээс зочид цугладаг болжээ. Манай иргэд ч Хөвсгөл далай мөсөн хучлагатай байх үедээ ямар гайхалтай байгалийн дүр төрхтэй болдогийг харах гэж ирдэг болсон байна.

Мөсний баяр тэмдэглэх энэ цаг үед мөсний нягтрал хамгийн өндөр мөс маш сайн хөлдсөн байдаг юм байна. Тиймээс мөс цөмөрчих вий гэж санаа зоволгүй толь шиг мөсөн дээр дураараа наадаж болно гэсэн үг.