Шударга өрсөлдөөн, хэрэглэгчийн төлөө газрын дэргэд Хэрэглэгчийн боловсролын төв нээгдэхээр боллоо. Шударга өрсөлдөөн, хэрэглэгчийн төлөө газрынхан Монголын хэрэглэгчдийн боловсрол сайн байх тусам зах зээл дээр шударгаар өрсөлдөх нөхцөл бүрдэнэ гэж үзэж байна.

Дэлхийн өндөр хөгжилтэй орнуудад хэрэглэгчдийн боловсролын төвүүд олноор үйл ажиллагаа явуулдаг бөгөөд энэхүү төвүүд тухайн улсын хэрэглэгчдэд зориулсан төрөл бүрийн сургалт явуулахаас гадна хэрэглэгчдийн мэдвэл зохих анхааруулга, мэдээллийг дор бүр нь түгээдэг аж. Иймд хэрэглэгчдийн эрх ашгийг хамгаалах холбооноос Монголын хэрэглэгчдийн боловсролыг дээшлүүлэх зайлшгүй шаардлага бий гэж үзэн тус төвийг нээхээр болсон байна.