Сонгинохайрхан дүүргийн 80 дугаар цэцэрлэг 1986 онд байгуулагдаж өдгөө 66 багш, ажилтантай, 16 бүлэгт 2-5 насны 600-аад хүүхдэд сургуулийн өмнөх боловсролыг эзэмшүүлж байна.

СХД-ийн Засаг Дарга Н.Алтаншагай тус цэцэрлэг дээр ажиллаж хийж хэрэгжүүлж буй ажлуудтай танилцлаа. Дүүргийн 80-р цэцэрлэг аз жаргалын өрөө, хүслийн өрөө, мөрөөдлийн ертөнц, үлгэрийн ертөнц, монгол ёс заншлын өрөө нийт таван анги, танхимыг тохижуулж хүүхэд бүрийг насны ангиллаар хөгжүүлж байгаа аж.

Мөн хаврын хүнсний ногооны тариалалтаа өнөөдөр хийв. Тус цэцэрлэг хүнсний ногоо тарьдаг хүлэмжтэй бөгөөд хавар бүр хүүхдүүдтэйгээ хамт ногоогоо тариалж, намар ургацаа хураан авдаг уламжлалтай. Ингэж хүүхдүүдэд жимс, ногоо тарих, арчлах, ургуулах талаар мэдлэг олгох нь аливаа зүйлийн үнэ цэнийг ойлгох, танин мэдэхүйн ач холбогдолтойг багш нар хэлж байлаа.

Энэ жилээс “Улаанбаатар хотын хүнсний хог хаягдлыг дахин боловсруулах төсөл”-ийг хэрэгжүүлж эхэлсэн байна. Өмнө нь өдөрт 23 кг хүнсний хог хаягдал гарч ачуулдаг байсан бол энэ ногооны хаягдлаар бордоо хийж тариалалтдаа хэрэглэдэг болжээ.