Монгол Улсын Ерөнхий сайд С.Батболд 2010 оны 3 дугаар сарын 5-ны өдөр НХХ-ийн сайд Т.Ганди, Хөдөлмөр, халамж үйлчилгээний газрын дарга Д.Баярсайхан, Улсын бүртгэлийн газрын дарга Л.Мөнхбаатар болон албаны бусад хүнийг хүлээн авч уулзан “Хүний хөгжил сан”-гаас иргэдэд хишиг, хувь хүртээх ажлын явц, үр дүнгийн талаар мэдээлэл сонслоо.

“Хүний хөгжил сан”-гаас иргэдэд хишиг, хувь хүртээх ажлын явц 2010 оны 3 дугаар сарын 5-ны өдрийн байдлаар 91 хувьтай байна. Энэ нь өндөр настан,  хүүхдүүд, хөгжлийн бэрхшээлтэй 1.3 сая иргэний 1 сая 90 мянга гаруй нь мөнгөө аваад байна гэсэн үг юм.

Цаашид үлдсэн иргэдэд хишиг, хувь хүртээх ажлыг үе шаттайгаар нэн даруй хэрэгжүүлэхийг Ерөнхий сайд үүрэг болгов. Энэ дагуу эхний ээлжинд нийслэлийн нэг дүүргийн хороо, хөдөө орон нутгийн нэг багийг сонгон авч 3 дугаар сарын 9-нөөс хишиг, хувь хүртээх ажлыг туршилтын журмаар хэрэгжүүлэхээр болов.

Туршилтын үр дүн, иргэдийн бичиг баримтын зөрчил, давхардлын талаархи нэгдсэн мэдээллийг 2010 оны 3 дугаар сарын 17-ны өдрийн Засгийн газрын хуралдаанаар хэлэлцэн, хишиг, хувь хүртээх ажлыг шуурхайлахаар болов.