Хүн ам олноор зорчдог зарим аймаг руу орон нутгийн шуудан өдөрт хоёр удаа явахаар болсон байна. Ингэснээр бага оврын автобусууд орон нутгийн тээврийн үйлчилгээнд явах нь багасах аж. Энэ нь иргэдийг осол эндэгдлээс сэргийлэхэд ч тустай ажлын нэг болж байгаа юм. Орон нутгийн 54 чиглэлд тээврийн үйлчилгээ эрхэлдэг 40 гаруй аж ахуйн нэгжийн том оврын автобусны чанар, аюулгүй байдалд хяналт тавих арга хэмжээг авах болсон байна.

Тээврийн хэрэгслийн оношлогоо, хяналт зохицуулалтын албанаас Орхон, Дархан-Уул аймгийн нэгэн адил хүн амын урсгал ихтэй байдаг Архангай, Өвөрхангай руу өглөө, оройны шуудан явуулах хуваарь гаргасан байна.

Автобус хуваарийн дагуу өглөө 08.00 цагт хэдэн ч хүнтэй байсан орон нутаг руу гарна. Тасалбар аваад хоцорсон, өдөр явах хүсэлтэй иргэд 15.00 цагаас энэ чиглэлд дахин гарах том оврын автобусаар зорчих боломжтой байгаа ажээ.