« Монгол Улсын алслагдсан аймгийн ард иргэдийг нийгмийн цогц үйлчилгээгээр хангах нь » төслийн нээлтийн ажиллагаа, сургалт семинар Баян-Өлгий аймагт 2010 оны 3 сарын16-ны өдөр нээлтээ хийлээ.

Төслийг Монгол Улсын Засгийн газар НҮБ-ийн төрөлжсөн байгууллагуудтай хамтран Баян-Өлгий, Увс, Ховд, Хөвсгөл, Дорнод зэрэг таван аймгийн хязгаарлагдсан сумдад хэрэгжүүлэх бөгөөд төслийн нийт өртөг нь гурав орчим сая ам доллар юм.  

Семинарт ЗГХЭГ-ын дэд дарга Д.Нямжав, Монгол Улсын Шадар сайдын зөвлөх Ш.Нарантуяа, ЗГХЭГ-ын ахлах референт Ш.Бүүвэйбаатар, холбогдох яам, агентлагууд, НҮБ-ийн төрөлжсөн байгууллагуудын ажилтнууд оролцож байна.