УИХ-ын хаврын чуулган ирэх даваа гаригт нээлтээ хийнэ. Тиймээс энэ долоо хоногоос эхлэн УИХ-ын эрхэм түшээд Улаанбаатартаа цуглаж, ажилдаа орох төлөвтэй. УИХ-ын Тамгын газраас гаргасан хувиарын дагуу бол  энэ долоо хоногийн энхийн  гурван өдөр намын бүлэг, ажлын хэсэг, байнгын хороод хуралдах ёстой. Хувиарын дагуу өнөөдөр АН, МАХН-ын бүлгүүд хаалттай хуралдаж байна.Тэд чуулганы өмнө хамгийн их “улстөржөөд” байгаа асуудал болох оюутолгойн хөрөнгө оруулалтын гэрээ, түүний Техник эдийн засгийн үндэслэлийн асуудлыг хэлэлцэж байгаа бололтой. Үүнээс гадна, сонгуулийн тухай хууль, хүн бүрт хишиг, хувь хүртээж эхлээд байгаа хүний хөгжил сан, хүүхдийн мөнгө гээд улс орны өмнө тулгамдаад байгаа олон асуудлаар хуралдаж байна.