Д.Сүхбаатарын талбайд хоёр өдөр үргэлжилсэн  “Агаарын бохирдлыг бууруулах дэвшилтэт технологи”  шалгаруулах үйл ажиллагааны үеэр утаагүй зуух шалгаруулсан юм. Ингэхдээ ард, иргэдэд санал асуулгын хуудас тарааж зуух тус бүрийн талаар сэтгэгдэл, дүгнэлтийг бичүүлж шүүгчдэд хүргүүлсэн байна. Шүүгчдийн бүрэлдэхүүнд Ахлах шүүгчээр Нийслэлийн иргэдийн төлөөлөгчдийн хурлын гишүүн Б.Төмөрчулуун, шүүгчээр НЗДТГ- ын ХХБХ- ийн мэргэжилтэн Ч.Цогтсайхан, ЗАА- ны ИБХ- ийн мэргэжилтэн Ч.Ган-Очир, НАЧА- ны мэргэжилтэн Д.Даваадорж, ШУА- ийн Физик, технологийн хүрээлэнгийн эрдэм шинжилгээний ажилтан, доктор Ш.Ялалт нар ажиллав.

Зуух тус бүрийг галлах үед ажиглагчдыг дэргэд нь байлгаж, “Шалгаруулалтад оролцож байгаа гэрийн зуухны галлагаа хийсэн тухай протокол” -ыг маягтаар бөглөж, шүүгчдэд хүргүүлсэн.

• “Анард” ХХК. “DJMU” маягийн зуух.
• “Мон-Дулаан” ХХК. “Би- 1” маягийн зуух.
• Физик технологийн хүрээлэн.”ST-SON” маягийн зуух.

Шалгаруулалтыг нэг, хоёр, гуравдугаар байр гэж дүгнээгүй “Анхан шатны үзүүлэлтээр” шалгарсан тул “Батламж” олгосон байна.