УИХ-ын гишүүн Ц.Цэнгэлийн санаачлагаар Булган аймгийнхан оны шилдэг волейболын багаа шалгаруулдаг уламжлалтай. Энэ уламжлалын дагуу 2010 оны аварга баг шалгаруулах тэмцээн энэ сарын 16-18-ны өдрүүдэд аймгийн Спортын ордонд явагдахаар зарлагдаад байна. Зохион байгуулагчаар Булган аймгийн Засаг даргын Тамгын газар, Булган аймгийн Волейболын салбар холбоо, Монголын волейболын холбоод ажиллаж байгаа бөгөөд Тэмцээнд Монголын Волейболын Лигийн аварга спортын мастер, Булган нутгийн хүү Б.Тамир, Ш.Сандагдорж, Г.Ариунболд, Л.Даваажав нарын Монгол Улсын шилдэг волейболчид оролцох ажээ.